ٽئين گهوٽڪي فيسٽيول کي حتمي شڪل ڏيڻ لاءِ.جنرل ڪونسل جو اجلاس،ميلي جون تياريون تيز رپورٽ موجب گھوٽڪي فيسٽيول جنرل ڪونسل جي گڏجاڻي پريس ڪلب ميرپور ماٿيلو ۾ ٿي گذري جنهن ۾ برڪت ميراڻي ، الھورایو بوزدار، سيف الرحمان ، عباس کوسو، رئوف پارس دایو،اشرف شاھ،جي ایم لاڙڪ،لطیف لغاري، فهيم وسير ،عدنان سومرو،امین سومرو،عمران سومرو،ڪاشف بوزدار،عابد،غازي وسیر ۽ ٻين شرڪت ڪئي ان موقعي تي طئي ڪيو ويو ته 15 فيبروي تي شام جو فيملي پارڪ ميرپور ماٿيلو ۾ رنگا رنگي افتتاحي تقريب منعقد ڪئي ويندي جنهن ۾ نامياري شخصيتن کي شرڪت جي دعوت ڏني ويندي افتتاحي تقريب ۾ سنڌ جا مشهورگلوڪار سرن جي ورکا ڪندا.ان سلسلي ۾ برڪت علي ميراڻي،الھورایو بوزدار،رئوف پارس دایو،عباس علي کوسو بريفنگ ڏيندي ٻڌايو ته ميلي جي ٻئي ڏهاڙي تي مختلف سيشن ٿيندا جنهن ۾ مختلف ڪتابن جي مهورتي تقريب،ڪيريئر ڪائونسلنگ،مهذب معاشري ۾ نوجوانن جو ڪردار،پر امن معاشري ۾ سول سوسائٽي جو ڪردار،سوشل ميڊيا جي اهميت ۽ استعمال،عورتن کي بااختيار بنائڻ بابت سيشن سميت مختلف اسڪولن وچ ۾ چٽاڀيٽي ۽ مختلف قسم جا اسٽال پڻ ميلي جي سونهن هوندا. ٽئين گهوٽڪي فيسٽول جي پڄاڻي ساز۽ سرن جي ورکا سان ڪئي ويندي اختتامي تقريب ۾ مختلف شخصيتن جي شرڪت پڻ يقيني بڻائي ويندي. ٽئين گهوٽڪي فيسٽول جي تياريون زور شور سان جاري آهن .
No comments:
Post a Comment